漢堡火雷恩燒清光

29/11/2007
D組漢堡主場對雷恩，漢堡堪稱德甲近期狀態最佳球隊，近十三場不敗之餘，更取得十一勝二和佳績，邊隊撞正佢都注定唔好彩。雷恩唔恨踢歐洲賽，近兩次踢足協盃，六場分組賽未贏過，今場多數再放棄，捧主勝之餘，不妨捧埋「讓球主勝」。（有線足球台61周五凌晨2時直播）漢堡近期弗到漏，而且入球能力極佳，今季場場都有波入，中場雲達華治同奧歷入波當食生菜。漢堡自九月中以來，已經兩個幾月未輸過，勝率高達85%，由於佢足協盃只係踢一場，仲未夠分出線，今仗肯定唔會放軟手腳。