歐聯PlayBack 分組賽Day9

里昂 2:2 巴塞隆拿
細哨後備陀衰家
嘉輝抵死評語：巴塞練列卡特用十七歲小將保贊踢正選，細哨就坐埋一邊睇波，直到領先二比一後先至有得落場，最慘係細哨入場冇耐就失波，真係陀衰家。
史特加 3:2 格拉斯哥流浪
史特加贏得太遲
嘉輝抵死評語：史特加贏得太遲，雖然歐聯出局，但佢踢出體育精神。不過流浪輸波都唔係太傷，下仗主場打和里昂都可以出線。
曼聯 2:1 士砵亭
C朗bends like Beckham
嘉輝抵死評語：C朗唔熟唔食，又母會士砵亭身上入波。值得一提係佢今次以碧咸式罰球破網，賽後自爆不斷苦練射罰球先有咁勁。
基輔戴拿模 1:4 羅馬
彭路基連三口
嘉輝抵死評語：又係彭路基，呢位「關鍵先生」歐國盃外圍賽頂死蘇格蘭，上仗聯賽對熱拿亞又一頭定江山，今場又再入波，連續三場入波。
國際米蘭 3:0 費倫巴治
文仙尼3蛋賀壽
嘉輝抵死評語：國米練文仙尼比賽日大壽，賽後球場仲專登作出廣播，話畀全場人士知文仙尼四十三歲牛一，全場起身為佢鼓掌，場波變生日派對。
莫斯科中央陸軍 0:1 燕豪芬
中央陸軍變救世軍
嘉輝抵死評語：莫斯科中央陸軍又再派分，應該改名叫「莫斯科救世軍」，五場分組賽一和四負，今次「救濟」燕豪芬，令佢重燃出線希望。
西維爾 3:1 阿仙奴
雲格無厘頭被逐
嘉輝抵死評語：阿仙奴領隊雲格試新人試出事，不敵西維爾係兵工廠今季正式比賽中首次輸波，而雲格仲被趕出場，佢事後竟然話唔知點解被逐。
布加勒斯特星隊 1:1 布拉格斯拉維亞
斯拉維亞零角球
嘉輝抵死評語：兩支「布先生」和氣收場，全場射門次數寥寥可數，斯拉維亞一味龜縮，衰到連一次角球都冇，但就如願保住第三位，可以轉戰足協盃。